منتديات شبكة لمة احباب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات شبكة لمة احباب


 
الرئيسيةأحدث الصورالتسجيلدخول

 

 مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن

اذهب الى الأسفل 
2 مشترك
كاتب الموضوعرسالة
امير الحب
عضو فضي
عضو فضي
امير الحب


عدد الرسائل : 153
نقاط التميز : 1
تاريخ التسجيل : 22/05/2008

مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن Empty
مُساهمةموضوع: مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن   مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن Icon_minitimeالأربعاء يونيو 04, 2008 9:09 am

مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن





********************************************

من حل دار النـاس حلـوا ديـاره
لا بد مـا تسكـن بـلاده ويغبـن
ومن شق ستر الناس شقوا ستـاره
ومن ضحك بالثرمان يضحك بلاسن

(شـالح بن هـدلان)

********************************************

إليا خاب ظني بلرفيق الموالي
مالي مشاريه على باقي الناس
ياجعل قصر مايجي له ظلالي
ينهد من عالي مبانيه للسـاس

(محمد الاحمد السديري)

********************************************

كم واحدٍ له غايةٍ مـا هرجهـا
يكنها لوهـو للادنيـن محتـاج
يخاف من عوجاً طوال عوجهـا
هرجت قفا يركض بها كل هراج

(محمد الاحمد السديري)

********************************************

أحد ينام وحط راسه بكمـه
وأحدٍ تخم النوم عينه وتخطيه
أحد يحاول بالردى بنت عمه
وأدٍ يحاول ستر عذرا عوانيه

(بنـدر بن سرور)

********************************************

يوم ولد الاش رزقه علـى أمـه
رزقي على اللي ميت القشع يحييه
ماني وأنـا بنـدر ببيـاع دمـه
يقطعك يا بياع دمـه وشاريـه
اللي يبيـع لا بسـات الأزمـه
يبغى مهر بيض الرعابيب يغبيه

(بنـدر بن سرور)

********************************************

ماني وانا بندر بهيتٍ ولد هيـت
هيت مقابـل خمّـةٍ يكرهونـه
من كثر ما جرّبت وأقبلت و أقفيت
قولة هلا من لا يـودّك مهونـة

(بنـدر بن سرور)

********************************************

ترى حلاة الخوي ليا طالت المـده
ماهوب نوب صديق ونوب قوماني
رفيقي اللي مصافيني على الشـده
وإلا الرخا واجد ربعي وصدقانـي

(سليمان بن شريـم)

********************************************

الأعمار ما يبقى بها مثل مامضى
والأيام م اللي فات منهـا بعايـد
نعـد الليالـي والليالـي تعدنـا
والعمر يفنـى والليالـي بزايـد

(راشـد الخـلاوي)

********************************************

وابغى ثلاث منك من غير منه
الدين الأول والكرم والشجاعـه
والرجل لا من الثلاث أفختنـه
لا ينبغى قربه ولا به طماعـه

(سعـد بن هتيـل الدوسـري)

********************************************

أنشهد أن بعض الرجاجيل دنفوس
يجذب لنفسه مـن بعيـد دنسهـا
غادٍ على النمات والكذب جاسوس
والكلمه اللي في صولب ٍ عكسها

(سعيـد بن علي الحبـابـي)

********************************************

الطيب ما نستكثره من هـل الطيـب
اللي لهم في ماكـر الطيـب خبـره
أوسع على الاجواد من روضة أشعيب
واضيق على الانذال من ثقب اللإبره

(حامـد بن مايقـه الحبـابـي)

********************************************

قوم اليا جيتها صكـت حواجبهـا
وأبدت لي البغض في مقفاي واقبالي
وقوم اليا جيتهـا رفـت شواربهـا
بالضحك وقلوبها فيها الردا كالـي

(بـديـوي الوقـداني)

********************************************

والروح وش عذرها في ترك واجبها
راح الحسب والنسب في جمع الاموال

(بـديـوي الوقـداني)

********************************************

المال يحيي رجال لاحيـاة ابهـا
كا السيل يحيي الهشيم الدمدم البالي

(بـديـوي الوقـداني)

********************************************

عز الفتى راس ماله من مكاسبها
يامرتضي الهون لا عز ولا مالي

(بـديـوي الوقـداني)

********************************************

يدلك على الرجـال هرجـه اليا هرج
ويدلك على نيـات قلبـه حركـاتـه

(رشيـد الزلامـي)

********************************************

لعلني دايم على ما يضنون
اهل الوفاء واهل الوجيه السفيرة
لو انهم عن الخفايا ما يدرون
يدري بي اللى عالم بالسريره

(على الريـض)

********************************************

فتـى بلا عزم حياتـه مذله
والعزم لقلوب الرجال طبيب
ومن لا صبر بالعسر ما ذاق يسرها
وباب الفرج للصابرين قريب

(محمد الاحمد السديري)

********************************************

افتك من العيات بأنصاف مالك
و إن عيوا العيات بالمال كله
خويك الطيب ليا ضقت يرضيك
والا الردي لا ضقت قفى وخلاك

********************************************

ودنا بالطيب بس الزمن جحاد طيب
كل ما تخلص مع الناس كنك تغشها
يدك لامدة وفا لا تحرى وش تجيب
كان جاتك سالمه حب يدك وخشها

(سعـد بن جـدلان)

********************************************

ان ساعفت دنياك بالحال والمال
تحمد الوالـي وباعـد قرينـك
ون كان بك عدلات الايام ميال
تمسي مقل وغلمة ضاهدينـك

(عبدالله بن سبيـل)

********************************************

الاجـواد ون قاربتهـم ماتملهـم
والانذال ون قاربتهم عفت مابهـا
الاجواد ون قالوا حديث وفوا بـه
والانذال منطوق الحكايا اكذابهـا
الاجواد مثل العد من ورده ارتوى
والانذال لاتسقي ولاينسقـا بهـا

(محمـد المهـادي القحطـانـي)

********************************************

العشرة اللي ماتوثق علـى سـاس
تطيح لو صارت حصون طويلـه
صبرت صبر صابني منه وسواس
صبر له النفـس العزيـزة ذليلـه
من يتبع المقفي مـرده للافـلاس
مثل الذي بالقيض يدفـق صميلـه

(عبدالله اللويحان)

********************************************

اللي يتيه الليل يرجي النهارا
واللي يتيه القايلة من يقديـه

(مويضي البرازية المطيرية)

********************************************

احفظ دبشك اللي عن الناس مغنيك
اللي اليا بان الخلـل فيـك يرفـاك

(بركـات الشريـف)

********************************************

العي عي لين يبلشك وهو عي
فإلى بلش وابلشك كب المعايا

(الشيخ مناحي الهيضل)

********************************************

اوف الرجـل حقوقها قبل تاتيك
لاتوفيه بالقـول بالحـق تقفـاك

(بركـات الشريف)

********************************************

ماخبرت الحرمل وخذ منه مسواك
ولاقد جني حلو الثمر من حباجه

(عبدالله بن صقيه)

********************************************

من لا تعب قبل حل الشيب
دروب المشاكيل فاتنه
ومن مات ماادرك علوم الطيب
عميت عيونٍ ينوحنه

(الشيخ ماجد بن عمر بن ربيعان)

********************************************

ترى الشرف ماهوب بالخال والأبو
ولا بحسن الوجه والتصميم
ولا التطاول بالنسب ترفع الرتب
لاصرت في كل الامور غشيم

(عبدالله بن رمضان)

********************************************

شكواك للى ما يثمن كلامك
دمعة يتيمٍ من عيونه ذرفها
وإذا أحترمت الناس زاد أحترامك
والناس عز إنفوسها من شرفها

(جزاء بن صالح الحربي)

********************************************

الطير لولا كمشة الريش ما هد
لوهد كبيدي الحرار البتيعات
والسيف لولا خمس الاصابع ماقد
لاصار وحده ماشفى القلب باهوات

(مقحم النجدي الصقري)

********************************************

تخير بالنسب قبل المناسب
ترى بنت الرجال لها رجال
إلى جت عدلةٍ والحظ طيب
نما معروفهم وانموا عيال

(عبدالله بن لويحان)

********************************************

ترى شور من لا يستشيرونه الملا
شمعة نهارٍ في ضيا الشمس ذايبه

(راشد الخلاوي)

********************************************

يا ليتنا من حجنا سالمينا
كان الذنوب اللي علينا خفيفات
رحنا نبي نقضي ديونٍ علينا
وجينا علينا مثلها عر مرات

(بصري الوضيحي الشمري)

********************************************

إلى بلاك الله بعاقه من مقاريد الرفاقه
لاتوريه الحماقه لين ربك يقلعه
(صقر النصافي)

********************************************

الطيب ما نستكثره من هل الطيب
اللي لهم في ماكر الطيب خبره
أوسع عليهم من روضة اشعيب
واضيق على الانذال من ثقب الإبره

(حامد بن مايقه الحبابي)

********************************************

لا واخسارة يافرح بعض الأولاد
إلى بشروا بعض الرجال أبوليده
تلقاه في درب المناقيد ينقاد
ويملاء لبوه من الفضايح جريده

(حامد بن مايقه الحبابي)

********************************************

أنشهد أن بعض الرياجيل دنفوس
يجذب لنفسه من بعيدٍ دنسها
غادٍ على النمات والكذب جاسوس
والكلمه اللى في صوابٍ عكسها

(سعيد آل برمان الحبابي)

********************************************

ومن لا تعب في قولة اهلا ومرحبا
والله ليالقـى قـلـة الترحـيـب

(الشيخ عبدالرحمن بن ماجد بن ربيعان)

********************************************

كل يعود لاصل جده ومرباه
راع الشرف يشرف والانذال يهبون

(الامير خالد الفيصل)

********************************************

كل ٍ يقول ابوي و يقـول جـدي
ويعد نفسه خالـد بـن الوليـدي
لا صار مانته بالمواقـف تعـدي
ذكر القبور الفانيـه مـا يفيـدي

(الشيخ عبدالرحمن بن ماجد بن ربيعان)

********************************************

.............................
..........
.......
..
.
الرجوع الى أعلى الصفحة اذهب الى الأسفل
امير الحب
عضو فضي
عضو فضي
امير الحب


عدد الرسائل : 153
نقاط التميز : 1
تاريخ التسجيل : 22/05/2008

مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن Empty
مُساهمةموضوع: رد: مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن   مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن Icon_minitimeالأربعاء يونيو 04, 2008 9:14 am

انشاء الله موضوعي يعجبكمـ


وشكــــــــــــــــــــــــــــــرا
الرجوع الى أعلى الصفحة اذهب الى الأسفل
امير المشاعر
عضو مميز
عضو مميز
امير المشاعر


عدد الرسائل : 32
العمر : 34
الاعلام : مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن Saudi_aC
المزاج : مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن 8010
الاوسمه : مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن Member
جنسيتك : السعوديه
تاريخ التسجيل : 25/07/2008

مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن Empty
مُساهمةموضوع: رد: مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن   مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن Icon_minitimeالسبت أكتوبر 04, 2008 9:12 am

مشكووووووووور

الله يعطيك العااااااافيه
الرجوع الى أعلى الصفحة اذهب الى الأسفل
 
مقتطفات شعريه من أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات شبكة لمة احباب :: ღ¸.•° " الاقسـام الادبيه " °•.¸ღ :: (¯`·._) ( بيتُ القصيد) (¯`·._)-
انتقل الى: